ਪੰਜਾਬੀ ਵਿੱਚ ਪ੍ਰੋਜੈਕਟ SCOPE ਦੀ ਸ਼ੁਰੂਆਤ

Click here to read JIGYASA 1st Edition

ਪ੍ਰੋਜੈਕਟ SCOPE (ਸਾਇੰਸ ਕਮਿਊਨੀਕੇਸ਼ਨ ਪਾਪੂਲਰਾਈਜ਼ੇਸ਼ਨ ਅਤੇ ਇਸ ਦਾ ਐਕਸਟੈਂਸ਼ਨ) ਵਿਗਿਆਨ ਪ੍ਰਸਾਰ (ਵੀਪੀ) ਦਾ ਪ੍ਰਮੁੱਖ ਪ੍ਰੋਗਰਾਮ ਹੈ, ਜੋ ਕਿ ਭਾਰਤ ਸਰਕਾਰ ਦੇ ਵਿਗਿਆਨ ਅਤੇ ਤਕਨਾਲੋਜੀ ਵਿਭਾਗ ਦੀ ਇੱਕ ਸੰਸਥਾ ਹੈ, ਜਿਸਦਾ ਟੀਚਾ ਭਾਰਤ ਦੀਆਂ ਸਾਰੀਆਂ ਪ੍ਰਮੁੱਖ ਭਾਸ਼ਾਵਾਂ ਵਿੱਚ ਵਿਗਿਆਨ ਅਤੇ ਤਕਨਾਲੋਜੀ ਵਿੱਚ ਤਰੱਕੀ ਨੂੰ ਉਤਸ਼ਾਹਿਤ ਅਤੇ ਪ੍ਰਸਿੱਧ ਬਣਾਉਣਾ ਹੈ। ਵਿਗਿਆਨ ਪ੍ਰਸਾਰ ਨੇ ਪੰਜਾਬੀ ਵਿੱਚ ਬਹੁ-ਆਯਾਮੀ ਪ੍ਰੋਜੈਕਟ SCOPE ਨੂੰ ਸ਼ੁਰੂ ਕਰਨ ਲਈ ਪੰਜਾਬ ਸਟੇਟ ਕੌਂਸਲ ਫਾਰ ਸਾਇੰਸ ਐਂਡ ਟੈਕਨਾਲੋਜੀ (PSCST) ਨਾਲ ਸਮਝੌਤਾ ਪੱਤਰ (MoU) 'ਤੇ ਹਸਤਾਖਰ ਕੀਤੇ ਹਨ। ਸਮਝੌਤਾ ਪੱਤਰ ਤੇ 24.05.2022 ਨੂੰ ਡਾ. ਨਕੁਲ ਪਰਾਸ਼ਰ, ਡਾਇਰੈਕਟਰ, ਵੀ.ਪੀ ਅਤੇ ਡਾ. ਜਤਿੰਦਰ ਕੌਰ ਅਰੋੜਾ, ਕਾਰਜਕਾਰੀ ਨਿਰਦੇਸ਼ਕ, ਪੀਐਸਸੀਐਸਟੀ ਦੁਆਰਾ ਹਸਤਾਖਰ ਕੀਤੇ ਗਏ ਸਨ। SCOPE ਪੰਜਾਬੀ ਵਿੱਚ ਸਾਹਿਤ ਪੈਦਾ ਕਰਨ ਦੇ ਨਾਲ ਨਾਲ ਵਿਗਿਆਨ ਬਾਰੇ ਰੁਚੀ ਅਤੇ ਵਿਆਪਕ ਪ੍ਰਸਾਰ ਲਈ ਵਿਗਿਆਨ ਪਾਰਸਰ ਦੁਆਰਾ ਵਿਕਸਤ ਸਾਹਿਤ ਦਾ ਅਨੁਵਾਦ ਕਰਨ ਦੀ ਕਲਪਨਾ ਕਰਦਾ ਹੈ। ਵਿਦਿਆਰਥੀਆਂ ਅਤੇ ਅਧਿਆਪਕਾਂ ਲਈ ਸਮਰੱਥਾ ਨਿਰਮਾਣ ਵਰਕਸ਼ਾਪਾਂ, S&T ਐਪਲੀਕੇਸ਼ਨਾਂ 'ਤੇ ਛੋਟੀਆਂ ਵੀਡੀਓ ਦੀਆਂ ਤਿਆਰੀਆਂ ਦੇ ਨਾਲ-ਨਾਲ ਸਰਗਰਮੀ ਕੈਂਪ ਵੀ ਹੋਣਗੇ। ਇਸ ਤੋਂ ਇਲਾਵਾ ਇੱਕ ਆਨਲਾਈਨ ਪੰਜਾਬੀ ਸਾਇੰਸ ਮੈਗਜ਼ੀਨ ‘ਜਗਿਆਸਾ’ ਹਰ ਮਹੀਨੇ ਪ੍ਰਕਾਸ਼ਿਤ ਕੀਤਾ ਜਾਵੇਗਾ। ਜਿਗਿਆਸਾ ਦਾ ਪਹਿਲਾ ਅੰਕ 24.05.2022 ਨੂੰ ਜਾਰੀ ਕੀਤਾ ਗਿਆ ਸੀ।